Hanti dhowrka guud ee Qaranka Dr. Nuur Faarax ayaa sheegay in xisaab xirka Miisaaniyadda 2014 aan loo marin sidii sharciga ahayn, laguna dhaqmin miisaaniyadii degsaneyd. Qoraal uu kasoo saaray xisaab xirka 2014 oo wasaaradda Maaliyadda xukuumadda Soomaaliya ay diyaarisay ayuu hanti dhowrku sheegay inuusan heli caddeyno ku filan sidii loo isticmaalay miisaaniyadii 2014.
Qoraalka Hanti dhowrka Guud oo ku socday Madaxweynaha, Guddoonka Baarlamanka iyo Ra’iisal wasaaraha Soomaaliya ayuu hanti-dhowrka guud ee Qaranka ku cadeeyay qodobo dhowr ah oo la jebiyay, kuna saabsan sidii loo maamulay miisaaniyadii sanadkii hore 2014 oo hadda xisaab xirkeedu hor yaallo Golaha wasiirada, lana filayo in la geeyo Baarlamaanka.
Hoos ka akhriso qoraalka Hanti dhowrka Guud
Goobjooge.com
[ad name=”HTML-1″]
[ad name=”HTML-6″]
