Madaxweynaha dowladda Federaalka Soomaaliya Xasan Sheekh Maxamuud iyo hogaamiyaha Maamulka Koonfur Galbeed ee Soomaaliya Shariif Xasan Sheekh Aadan ayaa la sheegay inay sameysteen isbaheysi siyaasadeed kadib culeys kaga yimid maamulada Puntland iyo Jubba.
Shirkii wadatashiga dowladda federaalka iyo maamulada xubnaha ka ah ayaa laga dareemay arrintaasi, iyadoo maamulka Jubba inta badan ku mowqif ahaa Puntland, halka Shariif Xasan isna la safnaa dowladda federaalka, arrintaas oo keentay inuu isbaheysi kumeelgaar ah dhex maro labada dhinac.
Shariif Xasan ayaa la sheegay inuu isla og yihiin arrinta mooshinka ka dhanka ah maamulka Axmed Madoobe, isla markaana qorshe hoose ka dhaxeeyo oo ku saabsan arrimaha hiigsiga cusub ee 2016-da. Labadan mas’uul ayaa hore shirko ugu ahaa ridistii xukuumadii hore ee C/weli Sheekh.
Isbaheysigan cusub ayaa ku dhashay xaalad kumeelgaar ah oo aan la ogeyn inay sii jiri doonto, inkastoo dowladda federaalka ka yareyn doonto culeyska maamulada kale ku hayaan.
Goobjooge.com
[ad name=”HTML-1″]
[ad name=”HTML-6″]
