Tuesday, September 29, 2020
More

    XOG: Sidee Ahlu suna u eersatay kalsoonidii ay saaratay Mareykanka? (Halistii saacadihii ka horeeyay Doorashada Qoorqoor?)

    Kooxda Ahlusuna ayaa shuruud ka dhigtay heshiiskii ugu danbeeyay ee ay la gashay Xukuumadda Soomaaliya inuu Mareykanku damaanadqaade ka noqdo oo aysan isku aamini karin dowladda Federaalka, kadib heshiisyo hore oo ay uga baxday iyo qaar ay fulin weyday.

    Arrintan oo ay aqbashay xukuumadda Soomaaliya ayaa keenay in heshiiska 20-ka xildhibaan lagu siiyey Ahlu-suna ee ay wada gaareen dowladda Soomaliya iyo Ahlu suna ay Safaaradda Mareykanka qeyb ka noqoto, waxaana heshiiskaasi soo dhoweeyay siyaasiyiinta mucaaradka oo beesha caalamka, siiba Mareykanka uga mahad celiyey kaalintii uu ka qaatay.

    Ad

    Ahlu suna ayaa magacawday 20-kii xildhibaan ee laga siiyey Baarlamaanka Galmudug, waxayna liiska magacyada xildhibaannadaasi u dirtay safaaradda Mareykanka, iyadoo aysan ka war heynin xukuumadda oo liiskaasi ka heshay Safaaradda Mareykanka. Tallaabadan ay qaaday Ahlu suna ee magacaabiddaiyo shaacinta liiska xildhibaanada la siiyey, waxay jahawareer ka dhex abuuray beelaha Galmudug oo ay muddo qaadatay in lagu qanciyo inay aqbalaan xildhibaannada Ahlu suna.

    Akhriso: Liiska Magacyada 20-ka Xildhibaan ee Ahlu suna soo xushay & Beelaha ay kasoo jeedaan [AKHRISO]

    Kadib doorashadii Guddoonka Baarlamaanka oo Ahlu suna looga adkaaday musharixiintii ay wadatay, waxaa dhashay khilaaf ay abuureen xubnihii Ahlu suna uga mid noqday Guddiga Doorashada, waxaana intaasi socday diidmada Ahlu suna uga hor timid Doorashada, kana baxday hannaankii maamul u sameynta Galmudug, laakiin safaaradda Mareykanka ee ay damaanadqaade ka dhigteen ayey ku qancin waayeen khilaafka cusub ee ay bilaabeen.

    Ahlu suna waxay sii xoojisay olole ay ku dooneysay inay ku fashiliso doorashada ay dowladda Federaalka qabanqaabisay ee Madaxweynaha Galmudug, waxayna xaaladu meel halis ah gaartay Galabtii Sabtida ee 1-da Febraayo 2020 oo saacado ka harsanaayeen Doorashada Madaxweyne Qoorqoor ku soo baxay, markii C/samad Macalin Maxamuud- oo uu dhalay hoggaamiyaha Ahlu-suna- la xiriiray safaaradda Mareykanka, una sheegay digniinta Ahlu suna ee ahayd inuu dagaal ka dhici karo Magaalada Dhuusamareeb haddii ay dowladda Soomaaliya ku adkeysato Doorashada.

    Ahlu suna waxay farriintii hanjabaadda dagaal ahayd oo qoraal ah markiiba u dirtay safaaradda Mareykanka iyo wakiilada beesha caalamka, iyadoo qoraalkaasi lagu baahiyey baraha bulshada; balse jawaab aan lala soo daahin oo adag ayey safaaradda Mareykanku bixisay, iyadoo Ahlu suna si toos ah iyo si dadban ugu digtay inay qalalaase ku dhaqaaqdo.

    Go’aanka Mareykanka kadib waxay Ahlu suna ku dhici weyday, kana tanaasushay carqaladeyn hubeysan oo ay dooneysay inay ku fashiliso Doorashadii 2-da Febraayo ka dhacda magaalada Dhuusamareeb, taasoo lagu doortay musharixii ay dowladda Soomaaliya wadatay ee Axmed Cabdi Kaariye (Qoorqoor) iyadoo daqiiqado kadibna uu aqoonsaday Mareykanka, Safiir Yamamoto-na u diray hambalyo.

    Rasaas iyo qalalaase ka dhaca Dhuusamareeb saacado ka hor doorashadii Madaxweyne Qoorqoor waxay dowladda Soomaaliya uga dhigneyd fashil iyo ceeb siyaasadeed oo arrinta Galmudug u bedeli kartay meel dhiig ku daato, waxayna magaalada la ciirciireysay xiisad iyo ciidamo fara badan, laakiin waxaa badbaadiyey Mareykanka.

    GOOBJOOGE

    Warar Xul ah

    NAGULA SAAXIIB BARAHA BULSHADA: Like Saar

    147,896FansLike
    1,995FollowersFollow
    5,621FollowersFollow
    147,896FansLike
    1,995FollowersFollow
    5,621FollowersFollow

    TOP NEWS

    Ra’iisal wasaare Rooble oo kulan ugu yeeray Taliyeyaasha Ciidamada Dowladda (Hal Taliye oo xaadiray)

    Ra’iisul Wasaaraha cusub ee Soomaaliya Maxamed Xuseen Rooble ayaa kulankii ugu horeeyay la yeeshay Taliyeyaasha Ciidamada Qalabka sida iyo Laamaha Amniga Gobolka...

    Sidee u shaqeeyaan Xabsiyada Alshabaab, Yaase maamula..? & sida Maxaabiista loogu ciqaabo? (DAAWO XOGTA)

    Alshabaab ayaa maamuusha xabsiyo kala nooc ah oo dadka siyaabo kala duwan loogu ciqaabo, waxaana xabsiyadan la aasaay sanadkii 2008, waxaana ku...

    Sarkaal lagu dilay Beled-xaawo & Alshabaab oo sheegatay inay Qorshe la yaab leh ku khaarijisay

    Dabley hubeysan ayaa toogasho ku dishay sarkaal ak tirsana Ciidamada Dowladda Soomaaliya  ee ku sugan Gobolka Gedo, gaar ahaan degmada Belwdxaawo.

    Lafta-gareen: “Haddii la is-tiriyo Soomaaliya waxay ahayd in wax loo qeybsado Maay iyo Maxaa-tiri..”

    Madaxweynaha Koofur Galbeed C/casiis Xasan Maxamed (Lafta-gareen) ayaa ka qeyb galay xalay kulan casho sharaf iyo is-cafin ah oo Guddoomiyaha Golaha Shacabka...

    Safiirka Somalia ee Turkiga: “Guuleed waxaa Berri u bilaabmaya tababar kooban, kadibna dalkii buu ku noqonayaa..”

    Safiirka Soomaaliya u jooga dalka Turkiga ayaa faahfaahin ka bixiyey xaaladda wiilka Soomaaliyeed ee Guuleed Cabdi oo Turkiga lagu martiqaaday, iyo wixii...

    Saraakiil ka tirsan Ciidamada Booliska iyo Danab oo lagu dilay Muqdisho iyo Alshabaab oo sheegtay..

    Faahfaahin ayaa kasoo baxeysa Saraakiil ka tirsan ciidamada Booliska iyo Kumaandooska Danab ee dabley ka tirsan Alshabaab ku dileen magaalada Muqdisho.

    Ra’iisal wasaare Rooble oo xilka kala wareegaya Mahdi Guuleed (Halkee ku danbeeyay Dalabkii Xasan Kheyre?)

    Ra'iisal wasaare ku xigeenka xukuumadii dhacday Mahdi Maxamed Guuleed oo madaxweyne Farmaajo sii-haye Ra'iisal wasaare u magacaabay ayaa maanta xilka Ra'iisal wasaaraha...

    WARARKA UGU SHIDAN

    error: Content is protected !!