Wararka laga helayo magaalada Cadaado ayaa sheegaya in taliyaha ciidamada Nabadsugidda Soomaaliyeed C/llaahi Gaafow Maxamuud uu olole doorasho ka wado magaaladaasi.
Xogta laga helayo magaalada Cadaado ayaa sheegeysa in kursiga xildhibaanka beeshiisa Habar Cayn ee Murarsade uu la raadinayo nin ay walaalo yihiin oo lagu magacaabo Cabdulqaadir Gaafow Maxamuud.
Musharaxa la dhashay Taliyaha NISA ayaa ah Qurbe joog ka yimid dalka Canada, waxayna arrintan keentay xiisad jufadaasi ka dhex oogan oo keentay inay isku dhacaan ilaalo, isla markaana Suldaanka beesha Xasan Maxamed Sabriye halis la geliyo, kadib markii uu ka hor yimid rabitaanka Jen. Gaafow.
Taliye Gaafow ayaa taageero ka heysta dhinacyo kala duwan, waxaana la sheegay inuu adeegsanayo awoodiisa xilka uu hayo si uu arrintan ugu xaqiijiyo.
Goobjooge.com
