Kooxo hubeysan oo aan la aqoonsan ayaa agagaarka Iskuulka Imaamu Shaafici ee Degmada Hodan, magaalada Muqdisho ku toogtay Muwaadin u dhashay dalka Turkiga oo la sheegay inuu waqtigaasi ka soo baxay Masaajid uu ku soo Tukaday Salaadii Jimcaha.
Ninkan Turkiga ah ayaa la sheegay inuu dhaawac ka soo gaaray rasaata lagu furay, iyadoo isbitaalka loola cararay, waxayna wararku sheegayaan inuu ahaa nin la shaqeeya shirka qandaraasle ah, waxaa ka dambeeyay koox hubeysan oo saaran gaari, kuwaasoo dilka fuliyay isla markaana ka baxsaday goobta.
Rasaas dhowr ah oo lagu furay muwaadinka u dhashay dalka Turkiga ee goobta ku dhintay ayaa waxaa sidoo kale ku dhintay gabar yar oo Soomaali ah oo ay rasaastu haleeshay.
Ma jirto cid sheegatay dilka muwaadinkan Turkiga ah, waxaase lagu wadaa inay ka dambeysay kooxda Alshabaab oo dilal qorsheysan ka fuliso magaalada Muqdisho.
Goobjooge.com
