Qarax miino nooc  dhulka la geliyo ayaa maanta ka dhacay Baar-Caleen oo u dhow garoonka diyaaradaha magaalada Kismaayo xilli uu magaalada gaaray wasiirka Gaashaandhigga Soomaaliya C/qaadir Sheekh Cali Diini.

Qaraxa ayaa la sheegay inay ku dhaawacmeen seddax qof oo  goobta marayay xilliga qaraxa,  iyadoo aanu jirin qasaare kale, waxaana la tuhunsan yahay in miinada loo aasey si loogu waxyeelo wafdiga Wasiirka Gaashaandhigga Soomaaliya.

Qaraxyada noocan oo kale ah ayaa lagu eedeeyaa inay ka danbeyso kooxda Al-Shabaab, ciidamada nabadsugida maamulka Jubbaland ayaa sheegay inay  fashiliyeen qaraxyo maleeshiyadda Al-Shabaab ku soo qaadi rabtay magaalada Kismaayo.

GOOBJOOGE.COM