Abwaan Cusmaan C/llaahi Guure ayaa kashifay Hees loo qaaday Madaxweynaha muddo xileedkiisu dhammaaday ee Maxamed C/llaahi Farmaajo xilligii uu muddo kororsiga sameeyay, taasoo ay ka muuqdeen inuu xoog wax ku maquuninayo.
Isagoo ka hadlyey shir jaraa’id oo ay Golaha Abwaannada ku taageereen Ra’iisal wasaare Maxamed Xuseen Rooble oo xilka ka qaaday agaasimihii NISA Fahad Yaasiin Xaaji ayuu sheegay inuu heesta sameeyay nin uu magaciisa ka gaabsaday, balse qaswade ah.
Heesta Farmaajo lacagta badan ku bixiyey ee loo qaaday, lana duubay, balse la baahin waayey markii dagaal hubeysan Muqdisho ka dhacay oo la fashiliyey Muddo kororsigii Farmaajo ayuu Abwaan Guure eregydeeda ka xusay:
Waxay dooddayadu tahay
Dowlad baanu leenahay
Difaaca way ka adag tahay
La diyaari xooggii,
Libaaxa loogu magac daray
Guutooyinkii Danab,
Gorgor Duulayaa jira
Duufaanna waa yimid
Ninkii doonayow samir
Haddii kale in lagu dilo u diyaar garow
Cusmaan C/llaahi Guure ayaa is weydiiyey ninka ku haminay inuu 30 sano ka hor in la dilo qofkii hoggaanka dooneysa sida uu dalkan ku hogaamin karo. Wuxuu ku taliyey in la nadiifiyo Hay’adda NISA oo uu sheegay inay shabaab badan ku dhex jiraan.
Heestan dib loola noqdo ayaa la ogaaday inuu sameeyay Agaasimaha Tiyaatarka ee xilligan Abwaan C/qaadir Cabdi Shube
HOOS KA DHAGEYSO
