Maamulka Ahlu suna ee Gobollada Dhexe ee Soomaaliya ayaa madax furasho ahaan u qabsaday sarkaal ka tirsan ciidamada nabadsugidda Soomaaliyeed.
Warar laga helay magaalada Dhuusa-Mareeb ayaa sheegaya inay muddo toddobaad ka badan ay afduub ku heystaan Ciidamada Ahlu-sunna sarkaal lagu magacaabo Daahir Aadan Faarax.
Xiriir Ahlu suna la sameeyeen ehelada sarkaalka ayaa sheegay inay dalbadeen in la sii daayo ciidamo Ahlu suna ay maxaabiis ahaan uga qabsadeen maamulka Galmudug dagaaladii ka dhacay degaanka Godinlabe.
Sarkaalka ayaa wararka qaar sheegeen inuu shaqsi ah u tegay Dhuusamareeb oo aanu xilliga la qabtay ku jirin wax howl ciidan ah, taasoo ay ka faa’iideysteen ciidamada Ahlu Sunna.
Maamulka Ahlu suna ee gobollada Dhexe iyo ciidamada NISA ayaan wax war ah oo rasmi ah kas oo saarin qabsashada sarkaalkan.
Goobjooge.com
