Maxkamadda Racfaanka gobolka Banaadir Go’aanno culus ka qaadatay kiiska dacwadeed ee xeer ilaalinta ku soo oogtay siyaasiga C/raxmmaan C/shakuur Warsame.
Go’aannada ay maxkamaddu soo saartay, fadhigeedii maanta waxay kala yihiin:
1- Inay burisay go’aankii uu Maxkamadda gobolka Banaadir ee dacwaddii loo haystay siyaasiga Cabdiraxmaan Cabdishakuur Warsame ee ahayd inaan wax racfaan ah laga qaadan karin.
2- Inay buriay go’aankii maxkamadda G/Banaadir eeoo ahaa inaanu wax dambi ah lahayn Cabdiraxmaan Cabdishakuur.
3- Waxaa Xeer ilaalinta Qaranka loo fasaxay baaritaanka ay ku hayso kiiskiisa C/raxmmaan C/shakuur.
4- Waxaa siyaasiga Cabdiraxmaan Cabdishakuur laga mamnuucay inuu ka safro magaalada Muqdisho inta ay socdo baaritaanka dacwadda loo heysto.
5- Maxkamadda Rafcaanka waxay Ganaaxday 8 Qareen oo diiday inay difaacaan siyaasiga C/raxmaan C/shakuur. Shan kamida waxa lagu xukumay in shaqada laga joojiyo muddo labo bilood ah, iyagoo bixinaya lacag shilin Soomaali ah oo u dhiganta $2000. Saddexda Qareen ee kale waxaa lagu xukumay inay bixiyaan Ganaax lacageed oo shilin Soomaali ah oo u dhigma $2000.
Go’aanandan ayaa ka dhigan inay hadda uun bilaabtay dacwadii loo heystay C/raxmaan C/shakuur, waxaana la mari doonaa kiis dacwadeed aan la ogeyn halka uu ku danbeyn doono.
