Musharixiin u tartamaya xilka madaxweynaha Galmudug ayaa isu sharxday jagadaasi, kadib markii xildhibaanada xilka ka qaaday madaxweyne C/kariin Xuseen Guuleed ay ku adkeysteen inay doorasho qaban doonaan.

Guddiga doorashooyinka ee xildhibaanada kacsan ayaa diiwaan geliyay dhowr musharax oo xilkaasi u taagan, kuwaasoo la sheegay inay ku jiraan siyaasiyiin caan ah oo markii horeba ku lug lahaa xaaladda siyaasadeed ka jirta magaalada Cadaado.

Musharixiinta waxaa ka mid: Axmed Ducaale Geelle Xaaf oo ahaa xildhibaan hoer, Khaliif Axmed Ereg oo wasiir ka soo noqday dowladda Federaalka, Maxamed Cilmi Afrax oo hore ula tartamay C/kariin Guuleed iyo Liibaan Tahliil Warsame.

Waanwaan ay xubno ka tirsan labada gole u tageen magaalada Cadaado ayaa weli socon la’ iyadoo beel ka mida beelaha dhisay maamulkaasi ay ugu weyn tahay ololaha lagu doonayo in madaxweyne cusub ku yeelato Galmudug.

Goobjooge.com