Guddoonka Golaha Baarlamaanka Federaalka Soomaaliya ayaa kala diray Guddigii  Miisaaniyadda, Maaliyadda, Qorsheynta iyo La xisaabtanka Baarlamaanka Federaalka.

Qoraal uu ku saxiixan yahay Guddoomiye ku xigeenka koowaad ee Baarlamaanka C/weli Ibraahim Muudey ayaa lagu kala diray Guddigan oo la sheegay inuu kala qeybsamay, isla markaana sii wada shaqeyn karin.

Guddoomiye ku xigeenkaa koowaad ee Baarlamaanka ayaa kala dirista Guddigan sabab uga dhigay qodobbo dhowr ah, wuxuuna sheegay inuu la tashaday guddoomiye iyo guddoonmiye ku xigeenka labaad ee Baarlamaanka, isla markaana lasoo magacaabi doono Guddi cusub.

Guddiga Miisaaniyadda, Maaliyadda, Qorsheynta iyo La xisaabtanka Golaha Shacabka ayaa la sheegay inuu gacan galay xildhibanno mucaarad ah oo dagaal kula jira xukuumaddaSoomaaliya.

HOOS KA AKHRISO QORAALKA