Wararka laga helayo Gobolka Gedo ayaa sheegay in kooxda Al-shabaab ayaa caawa la wareegtay degmada Ceelwaaq ee xuduudka Somalia iyo Kenya, gobolka Gedo.
Ciidamada Alshabaab ayaa weerar kula wareegay Ceelwaaq markii ay isaga baxeen ciidamadii ka tirsanaa maamulka Jubbaland ee ku sugnaa, waxaana dadka degaanka ay sheegeen inay dadka u jeediyeen khudbo, iyadoo uga digay inay la shaqeeyaan ciidamada maamulka Jubba iyo kuw Kenya.
Wararkii ugu danbeeyay ayaa sheegaya in Alshabaab isaga baxeen degmada Ceelwaaq, markii ay muddo ku sugnaayeen, waxaana weerarkan uu ka mid yahay howlgallo joogto ah oo kooxda Alshabaab ay bishan Ramadaan ku dhaqaaqday.
