Al Shabaab ayaa markii aftaad muddo 3 malmood ah toogasho ku fulisay dad ay kusoo eedeysan inay Basaasay u ahaayeen Sirdoonka Mareykanka.
Toogashada cusub ayaa Galabta ka dhacay degaanka Kuunyo Barroow ee Sh/hoose, waxaana la toogtay 8 qof oo la sheegay inay hagayeen diyaaradaha Drone-ka Mareykanka ee duqeeya degaanada ay ka taliyaan Alshabaab.
Sida caadadda u ahayd Maxkaadda Alshabaab ee Sh/hoose ayaa sheegtay inay dhammaan eedeeysanayaasha qirteen dambiyadii lagusoo eedeeyay, waxaana lagu toogtay meel fagaaro ah.
Alshabaab waxay 27, 28 iyo 30-ka June toogasho ku fulisay 23 Nin iyo qof haween ah oo lagu soo eedeeyay inay u shaqeynayeen Sirdoonka Mareykanka iyo hal qof oo u shaqeynayey sirdoonka Ingiriiska ee MI5.
Magacyada Raggii lagu toogtay Kuunyo Barroow, waxay kala yihiin:
1- Calas Cali Cabdulle oo 51 sano jir ahaa oo lagu edeeyay inuu basaas u ahaa sirdoonka Maraykanka ee CIA_da.
2- C/waaxid Cabdullaahi Diiriye (Carrabey) oo 25 sano jir ah oo lagu eedeeyay inuu u shaqaynayay PS-ta.
3- C/Qaadir Maxamed Abow (C/Qaadir bambiiste), (33-jir) oo lagu eedeeyay inuu la howlgalayay sirdoonka Maraykanka ee CIA_da.
4- Abuu Cabdi Nuur fanaay Abuu Weershe oo 35 sano jir ah oo lagu edeeyay inuu la shaqeynayey sirdoonka Maraykanka
5- Cumar C/raxmaan Cumar Dooyow oo 36 sano jir ahaa oo lagu edeeyay inuu basaas u ahaa sirdoonka Maraykanka ee CIA_da
6- Xasan Cabdul Qaadir Cumar(Xasan Beeriyow) oo 31 sano jir ah.
7-Abuukar Cabdi Cumar (Abuukar Baseey) oo 31 sano jir ah oo lagu edeeyay inuu basaas u ahaa sirdoonka Maraykanka
8- Jeylaani Mayow Sheekhunaa oo 41 sano jir ahaa.
HALKAN KA AKHRISO LIISKA 16-KA QOF EE HORE ALSHABAAB U TOOGATAY
