Amiirka Alshabab oo Farriin Cod ah oo siyaasadeed soo saaray “Baddeena gorgortan kama galeyno, mana aqoonsanin ICJ”

Amiirka guud ee Xarakada Al-Shabaab Sheekh Axmed Cumar (Abuu Cubeyda) oo aan inta badan la maqlin ayaa soo saaray farriin cod ah oo siyaasadeed, taasoo uu uga hadlay xaaladda dalka iyo arrimo fara badan oo ku saabsan dowladda Federaalka iyo Maamul Goboleedyada.

Fariintan oo ay baahiyeen warbaahinta Alshbab ayaa soconeysa muddo 20 daqiiqo ah, waxaana uu si weyn uga hadlay xaalada Soomaliya iyo dagaalka ay Alshabaab kula jirto dowladda Soomaaliya, AMISOM iyo ciidamada Shisheeye, isagoo sheegay inuu sii xoogeystay dagaalka iyo halganka ay wadaan, ayna sii tabar dhigayaan dowlada Federalka iyo ciidamada taageera, ayna qarka u saaran tahay burbur sida uu yiri.

Ad

Amiirka Alshabaab ayaa ka hadlay khilaafka u dhaxeeya Dowladda federaalka iyo maamul goboleedyada, taasoo uu sheegay inay banaanka soo dhigtay saameynta ay dowladaha Kenya iyo Itoobiya ku leeyihiin siyaasadda iyo go’aanada Dowladda federaalka iyo maamul goboleedyada dalka, wuxuuna madaxda maamul Goboleedyada iyo kuwa dowladda federaalka ku tilmaamay murtadiin aan xita siyaasadda u madax bannaaneyn.

Amiirka Xarakada Al-Shabaab, Sheekh Axmad Cumar Abuu Cubeyda ayaa ku faanay weeraradii dadka badan lagu laayey ee ka dhacay magaalooyinka Kismaayo iyo xarunta maamulka gobolka Banaadir, wuxuuna bogaadiyey dadkii ka danbeeyay abaabulka.

Mar uu soo hadal qaaday Muranka ay Kenya helisay xuduudka Badda Soomaaliya ayuu sheegay in Alshabaabaysan aqbali doonin wax waliba oo ka soo baxa maxkamada caalamiga ah, lana dagaalami doonaan Kenya ilaa inta laga soo dhicinayo dhulka Muslimiinta ee ay heysato.

“Waxaan Umadeena muslimka ah ku wargelineynaa in Mujaahidiintu ka soo horjeedaan gaashaankana u daruurayaan go’aan kasta oo ka soo baxa maxkamad ku sheega caalamiga ah ee ku saabsan loolanka badda Soomaaliya ka taagan. Waxaan caalamka u sheegeynaa in Badaheenu ahayn kuwa gorgortan aan ka galeyno, martina ugama noqoneyno dowlado Shisheeye” ayuu yiri amiirka Alshabaab.

Warar Xul ah

NAGULA SAAXIIB BARAHA BULSHADA: Like Saar

130,388FansLike
1,304FollowersFollow
3,463FollowersFollow

WARARKA UGU SHIDAN

error: Content is protected !!