Madaxweynaha maamulka Jubba Axmed Maxamed Islaam (Axmed Madoobe) ayaa odayaasha iyo bulshada JUbbooyinka u sheegay inaan waxa shaki ah laga qaadin ciidamada Itoobiyaanka ah ee dhowaan ku biiray AMISOM ee tegay Kismaayo.
Axmed madoobe oo hadal u jeediyay odayaasha dhaqanka Jubbooyinka qaarkood oo uu kulan kula qaatay xaruntiisa ayaa ka danbeysay markii dadka Magaalada Kismaayo ay isla dhex mareen in Itoobiyaanka ay qabsanayaan degaanada Jubbooyinkam taasoo walaac weyn ka dhalisay magaalada.
“Ciidamada Itoobiya ma aha AMISOM-tii aad horay u taqaaneen, waa ciidan doonaya inay qaataan ammarkeenna, isla markaana ay ka jawaabaan baahida dadkeennu ay u qabaan in waddooyinka deegaanka naloo furo, xoreyntii Jilib, Jamaame iyo caasimaddii Bu’aale, maanta ayaan rajo fiican ka qabnaa mar haddii ay ciidamada Ethiopia yimmaadeen degaanka”Ayuu yiri Axmed Madoobe oo la hadalyey odayaasha dhaqanka Kismaayo.
Madaxwayne Axmed Madoobe ayaa niyada u qaboojiyay Odayaasha isagoo sheegay inuusan jirin wax walaaac ah oo ay maamulkiisu qabaan oo kaliya ciidamada Itoobiya ay fulinayaan qorshaha Jubba.
Goobjooge.com
