Madaxweynaha maamulka Jubba Axmed Maxamed Islaan (Madoobe) iyo wafdi la socda oo muddo toddobaad ka badan ku sugnaa magaalada Nairoobi ee dalka Kenya ayaa ku sii jeeda magaalada Adis Ababa ee xarunta dalka Itoobiya.
Wafdiga Madaxweynaha oo magaalada Adis Ababa tegaya dhowaan ayaa waxaa halkaasi kula kulmaya madax ka tirsan dowladda Itoobiya. Waxaa caadiyan uu Axmed Madoobe isaga gooshaa caasimadaha dalalka Kenya iyo Itoobiya ee Nairobi iyo Addis ababa oo mararka qaarkood waqtiga uu ku sugan yahay ay badato inta uu ku qaato magaalada Kismaayo.
Lama oga ujeedada safarka Axmed Madoobe ee Addis, laakiin socdaalkiisii ugu danbeeyay wuxuu ka codsaday wasiirka arrimaha dibadda Itoobiya inuu dhexdhexaadiyo isaga iyo dowladda Federaalka xilligaas oo mooshinkii Jubbooyinka uu yaalay Baarlamaanka.
Ciidamo Itoobiyaan ah ooo ka mid noqonaya AMISOM ayaa dhowaan ku sii jeeda magaalada Kismaayo iyagoo qeyb ka noqon doona ciidamada aaggaasi ka howlgala, taasoo sii xoojin doonta doorka Itoobiya ku leedahay Jubbooyinka oo horeba u ahaa mid muuqda.
Goobjooge.com
