Xildhibaanada Baarlamanka Jubba oo maanta kulan ku yeeshay magaalada Kismaayo ayaa ka dooday codsi kale oo madaxweynaha Jubba Axmed Madoobe u soo gudbiyay oo ah inay muddo kale ugu kordhiyaan xiligii uu magacaabi lahaa golaha wasiirada Jubba oo ka dhamaaday markii labaad.
Xildhibaanada ayaa sidii caadada ahayd cod u qaaday waqti kordhinta uu codsaday Madaxweynaha Jubba d Axmed Madoobe. Waxayna natiijadii noqotay in 59 Xildhibaan oo shirka yimid ay 54 Xildhibaan ogolaadaan codsiga Axmed Madoobe oo ahaa in muddo labad bilood oo hore leh la siiyo, waxaana ka aamusay 3 xildhibaan halka 2 qura ay diiday.
Guddoomiya ku xigeenka 3-aad ee Baarlamaanka Jubba Aadan Khaliif ayaa shaaciyay in madaxweynaha Jubbaland la siiyay mudo 2 bilood oo uu ku soo dhisi doono Golaha wasiirada cusub.
Axmed Madoobe ayaa shakay ka dhoofay magaalada Kismaayo isagoo tegaya magaalooyinka Nairobi iyo Addis ababa, waxaana tani ay noqoneysaa gole wasiiro kuwii ugu yaab badnaa muddo 5 bilood ah la sugo.
Goobjooge.com
