Waxaa magaalooyinka Muqdisho iyo Gobolka Sh/Dhexe ka socda diyaargarow ciidan iyo soo bandhigga gaadiidka dagaalka beelaha isu diyaarinaya dagaal lala gao Alshabaabka ku sugan Sh/DShexe iyo Galgaduud.
Waxaa maanta magaalada Muqdisho bandhig ciidan ku sameysay Beesha Murusade oo kujirta diyaar garoowgii ugu dambeeyay oo la sheegay inay aadi doonto degaanada Besha Gobolka Galgaduud.
Garoonka Diyaaradaha ee Dayniille ayay beeshu kusoo bandhigtay gaadiidka dagaalka iyo ciidamo fara badan oo la sheegay inay dhowaan u dhowaan u dhaqaaqi doonaaan Galgaduud, iyadoo ay ka dhex muuqdeen saraakiil iyo mas’uuliyiin kaso jeeda Beesha.
Ciidamada ay diyaarisay beesha Murusade ayaa la sheegay inay berri ka dhaqaaqi doonaan magaalada Muqdisho, iyagoo kusii jeeda Gobolka Hiiraan, gaar ahaan degmada Maxaas oo ay ka howlgeli doonaan, kadibna tegi doona Gobolka Galgaduud.
Dhinaca kale waxaa maanta magaalada Cadalle ee Gobolka SH/Dhexe gaaray qeybtii labad ee ciidamada iyo gaadiidka dagaalka ee Beesha Waceysle/Mudullood, kuwaas oo la sheegay inay ku jiraan diyaar garow dagaal.
Arrinta soo baxday ayaa ah in ciidamada iyo saraakiisha ciidamda Milateriga dowladda loo qeybiyey qaab qabiil oo Beel kasta degaankeeda loo abaabulayo inay ka xoreyso Alshabaab.
