Beesha Caalamka oo War kasoo saartay Sharciga Doorashada & 4 Qodob oo ay dalbatay in la caddeeyo

Beesha Caalamka ayaa soo saartay war-saxaafadeed ku saabsan sharciga Doorashada iyo baaq ku socda dowladda Soomaaliya iyo Maamul Goboleedyada dalka.

Waxaa warsaxaafadeedka Beesha caalamka lagu dalbaday in la laga heshiiyo 4 qodob oo ka maqan Sharciga Doorashooyinka sida ugu dhaqsiyaha badan, ayna isu yimaadaan madaxda dowladda Soomaaliya, guddiga doorashgada iyo maamul Goboleedyada, iyadoo lasoo celinayo wada-shaqeyntii dowladda iyo maamul Goboleedyada.

Ad

HOOS KA AKHRISO WAR-SAXAAFADEEDKA

Sharciga doorashada federaalka Soomaaliya ayaa hadda lagu ansixiyay Golaha Shacabka waxaana saxiixay Madaxweynaha 20-kii Febraayo. Sharcigan wuxuu qeyb ka yahay hab-shaqo sharciyeedka doorasho ee asaasiga ah ee lagama maarmaanka u ah qabsoomidda doorashooyin qaran oo u suurto-gelinaya in tirada ugu badan ee muwaadiniin ah ay codeeyaan.

In kasta oo tani ay tahay tallaabo muhiim ah, haddana shaqo badan ayaa loo baahan yahay in la qabto si wax looga qabto su’aalo badan oo aad muhiim u ah oo weli taagan, kuwaas oo lagama maarmaan u ah hirgellinta xeerkan.

Saaxiibada Soomaaliya ee caalamka* waxay garwaaqsanyihiin mas’uuliyadda saaran Guddiga Madaxabanaan ee Doorashooyinka Qaranka (GMDQ) si uu u hirgeliyo sharciga doorashada, waxayna carrabka ku adkeynayaan sida dhakhsaha leh ee looga baahanyahay dhamaan dhinacyada ay hawshu khusayso – oo ay ku jiraan Dowladda Federaalka Soomaaliya, Dowlad Goboleedyada, Baarlamaanka Federaalka ah, xisbiyada siyaasadda – inay wada shaqeeyaan, iyagoo taageero ka helaya GMDQ  oo guda geli doona hawsha hirgelinta sharciga doorashada. 

Saaxiibada caalamku waxay dib u milicsanayaan wadahadalladii badnaa ee ay la yeesheen Guddoomiyeyaasha labada Aqal ee Baarlamaanka Federaalka ah, iyo weliba Guddiga Madaxa Bannaan ee Doorashooyinka Qaranka, Madaxweynaha iyo Ra’iisul Wasaaraha, iyagoo isla eegay qaybaha uu ka koobanaanayo sharciga la doonayo in la dhaqan geliyo. Qaybahaas waxaa ka mida:

1- Caddeynta degaan Doorashooyinka iyo qoondeynta kuraasta ee loo qoondeeynaayo deegaan doorashooyinka

2- Kala caddeynta kuraasta loo gaar yeelayo haweenka si loo xaqiijiyo ugu yaraan matalaadda 30 %.

3- Nidaamyada lagu soo dooranayo kuraasta loo qoondeeyay dadka reer Somaliland

4- iyo matalaadda dadka deggan gobolka Benadir ay ku yeelanayaan Baarlamaanka.

Saaxiibadu waxay ugu baaqayaan Baarlamaanka Federaalka ah, isagoo la shaqaynaya GMDQ, wadatashina la sameynaya Dowladda Federaalka Soomaaliya, Dowlad Goboleedyada iyo dhinacyada kale ee hawshu khusayso, in uu arrimahaas si dhakhso leh xal ugu helo.

Saaxiibada ayaa sidoo kale u arka in Sharciga Xisbiyada Siyaasadda uu qayb ka yahay hab-shaqo sharciyeedka asaasiga ah ee lagama maarmaanka u ah hirgelinta doorashooyin qabsooma waqtigii loogu latalagalay. Sidaas darteed, waxay carrabka ku adkeynayaan muhiimadda ay leedahay in mudnaan la siiyo ka-baaraan-degidda iyo ansixinta wax-ka-bedelka sharcigaasuu kusoo sameeyay Baarlamaanka Federaalka ah.

Saaxiibadu waxay carrabka ku adkeynayaan in qabsoomidda doorashooyin lagu kalsoonaan karo oo dhaca waqtigii loogu talagalay oo lagusoo doorto Baarlamaanka Federaalka ah iyo Madaxweynaha Federaalka ah, iyadoo loo marayo Dastuurka Federaalka Kumeelgaarka ah, ay muhiim u yihiin xasiloonida siyaasadeed ee Soomaaliya.

Saaxiibadu waxay carrabka kusii adkeynayaan sida dhakhsaha leh ee loogu baahan yahay wadashaqayn dhexmarta Dowladda Federaalka Soomaalliya iyo Dowlad Goboleedyada si loo gaaro arrimahaas iyo arrimaha kale ee hortabinta u leh qaranka.

  • Beesha Caalamka waxay ka kooban tahay: Hawlgalka Midowga Afrika ee Soomaaliya (AMISOM), Belgium, Denmark, Midowga Yurub, Ethiopia, Finland, Faransiiska, Jarmalka, Urur-Goboleedka IGAD, Talyaaniga, Norway, Sweden, Turkiga, Boqortooyada Midowday ee Ingiriiska, Maraykanka, Qaramada Midoobay.
Warar Xul ah

NAGULA SAAXIIB BARAHA BULSHADA: Like Saar

141,607FansLike
1,375FollowersFollow
4,716FollowersFollow
141,607FansLike
1,375FollowersFollow
4,714FollowersFollow

WARARKA UGU SHIDAN