Siyaasiyga C/raxmaan C/shakuur Warsame ayaa sheegay in musharaxa madaxweynaha maamulka K/Galbeed Mukhtaar Roobow Cali laga soo abaabulay Madaxtooyada Soomaaliya.
C/raxmaan C/shakuur oo ka mida siyaasiyiinta mucaaradka ah ee sida weyn u dhaliila dowladda Federaalka iyo madaxdeeda ayaa ku eedeeyay Dowladda Soomaaliya gaar ahaan Madaxtooyada iyo Madaxda Hay’adda NISA inay wataan musharaxa Sheekh Mukhtaar Roobow.
“TV-ga Qaranka Soomaaliya wuxuu baahinayaa warbixinta Mukhtaar Roobow. TV-ga Qaranku marna ma baahin muuqaal ku saabsan Xisbiyada dalka ka jira…. Tani waxay caddeyn u tahay in ololaha doorashada Mukhtaar Robow laga soo abaabulay Madaxtooyada iyo Hay’adda NISA..” ayuu yiri C/raxmaan C/shakuur oo qoraal eedeyn ah ku qeybiyay baraha bulshada.
HOOS KA DAAWO WARKA TV-GA DOWLADDA KA DIYAARIYEY MUKHTAAR ROOBOW
