Xildhibaan Cabdi Axmed Dhuxulow (Dhegdheer) ayaa loo doortay xildhibaan ka tirsan Aqalka sare ee baarlamaanka Soomaaliya.
Doorashada oo ka dhacday magaalada Cadaado ayaa waxaa la tartamay haweeney lagu magacaabo Luul Maxamed Sheekh Cusmaan iyadoo isku heystay kursiga Beesha Murusade ee Aqalka sare.
Cabdi Axmed Dhuxulow oo saameyn ku dhex leh Beeshiisa isla markaana ka tirsan kooxda Aala sheekh ayaa ka guuleystay xilkan.
Waa Xildhibaankii saddexaad oo ay aqlka sare u doortaan Baarlamaanka Maamulka Galmudug. Waxaa hore beelaha Saleebeen iyo Sacad kuraastoodii loo kala doortay Abshir Axmed Maxamed (Bukhaari) iyo Cabdi Xasan Cawaale (Qeybdiid) sida ay u kala horeeyaan.
Waxaa weli magaalada Cadaado ka socda doorashada xildhibaanada Aqalka sare oo 8 ka mida ay kuraastoodu taallo halkaasi.
Goobjooge.com
