Ciidamada maamulka Ahlu suna ee magaalada Dhuusamareeb ayaa xabsiga u taxaabay weriyihii e Tv-ga Universal iyo Idaacadda Goobjoog ee Muqdisho Maxamed C/weli Tooxoow.
Wararka ayaa sheegaya in weriyaha ay kaxeysteen ciidamada Ahlu suna xilli shaqadiisa ku howlanaa, waxaana loo dhaadhiciyay xabsiga dhexe ee Magaalada Dhuusamareeb iyadoo aan faahfaahin laga bixin xarigiisa.
Amarka lagu xiray weriyaha ayaa la sheegay inuu bixiyay taliyaha Amniga degmada Dhuusamareeb Xasan Quuri. waxaana la sheegay inuu ahaa saxafi saaxiib la ah maamulka Ahlusunna.
Xariga weriyaha ayaa yimid kadib markii uu saaka muuqaallo ka duubay xarumaha ay ku shaqeeyaan Maamulka Ahlusuna.
Goobjooge.com
