Ciiddamada ammaanka Muqdisho ayaa gacanta ku dhigay gaari maalmihii ugu danbeeyay dilal qorsheysan iyo weerarro ka geystay degmada Dharkeynley ee Gobolka Banaadir.
Saraakiisha ammaanka ayaa sheegay inay qabteen Gaari noociisu yahay NOAH oo labadii maalmood ee ugu dambeysay masuuliyiin iyo dad shacab ahba ku rasaaseeyay Muqdisho iyo saddex qof oo watay.
Taliyaha Booliska degmada Dharkeenley Col. Maxamed Dahir ayaa sheegay in ciidamada ammaanka howlgal ay sameeyeen ku soo qabteen gaarigan oo lagu raad joogay sida uu sheegay. “Gaariga NOAH muddo ayay ciidamada ku daba jireen, nasiib wanaag maanta ayaan gacantaku soo dhignay, baaritaan ayaana lagu ku hayaa” ayuu yiri Taliyaha.
DAAWO EEDEYSANAHA LAGU QABTAY GAARIGA
Gaariga iyo dabaley la socotay muddo 48 saacadood ah ka fuliyay degmada Dharkeynley, waxaana uu fuliyay weeraro lagu qaday gaari uu lahaa guddoomiye kuxigeenka Dharkeynley iyo Gaari ay laheyd xildhibaan Sahra Cumar Maalin.
