Howlgallo balaaran ayaa ka socda magaalada Muqdisho, kadib markii ciidamada Booliska oo lagu wareejiyay amniga caasimadda oo fara badan la dhoobay igoysada magaalada.

Ciidamada Booliska ayaa lagu arkay wadooyinka Muqdisho, iyadooo ka tiro badan kuwii hore, waxayna baaritaan nooc cusub ah lagu wadaa gaadiidka iyo dadka wata oo laga dejinayo gawaarida, waxayna Ciidamadan ku dhaqaaqeen Howlgallo ka duwan kuwii hore ee ay sameyn jireen ciidamada kale ee amaanka.

Ciidamada Booliska ee la dhigay wadooyinka Muqdisho ayaa waxaa ka muuqda taxadar iyo feejignaan, waxayna isha ku hayaan gaadiidka raaxada iyo kuwo kale ee Dadweynaha, iyadoo la dareemay isbedelka ay ciidamadan ka wadaan wadooyinka Muqdisho.

Taliska Booliska Soomaaliyeed waxaa hadda kusime ahaan u maamula Gen. Zakiyo Xuseen iyadoo uu dalka ka maqan yahay taliyaha ciidamada Booliska Soomaaliyeed.