Socdaal la sheegay inuu maanta  Ra’iisal wasaaraha xukuumadda Soomaaliya Cumar C/rashiid  ku tegi lahaa magaalada Kismaayo ayaa baaqday iyadoo aan la shaacin sababta arrintaasi, waxaana socdaalkaasi dadal ugu jiray Axmed Madoobe madaxweynaha la doortay ee Jubba.

Ra’iisal wasaaraha ayaa ka cudurdaartay inuu tago Kismaayo maanta isagoo aan xilli kale oo uu tegayo halkaasi siinin madaxda Maamulka Jubba oo si weyn u sugayay Ra’iisal wasaaraha, cadaadisna ku saaray si ay taasi ugu noqoto in caddeyn kale oo muujineysa in dowladda federaalka ay taageersan tahay Maamulka Axmed Madoobe iyo doorashadii ka dhacay 15-kii Bishan magaalada Kismaayo.

Madax ka tirsan maamulka Jubba ayaa sheegay in Ra’iisal wasaaraha uu si kastaba tegi doono Kismaayo inta aan la caleemo saarin Axmed Madoobe.

Goobjooge.com

[ad name=”HTML-1″]