Qarax loo adeegsaday Gaari laga soo buuxiyey waxyaabaha qaraxa ayaa Caawa ka dhacay wadada Maka Al-mukarama, iyadoo lala beegsaday Baark Italia ee ku dhow Shinemo Somalia.
Wararka laga helay Saraakiisha amniga ayaa sheegay Qaraxan in lala beegsaay Baar laga cunteeyo oo ku yaalla wadada Maka Al-mukarama oo dad badan isugu yimaadaan, waxaana qasaaraha qaraxa uu gaarayaa 2 qof oo dhimasho ah iyo dhaawaca 7 kale.
Waxa goobta gaaray ciidamada dowladda, madaxda Gobolka Banadir iyo taliyaha ciidamada booliska inkastoo aanay saxaafadda weli la hadlin, waxaana burbur weyn soo gaaray dhismooyinkii ka ag dhowaa goobta qaraxu ka dhacay.
