Wararka laga helayo magaalada Muqdisho ayaa sheegaya in askari ka tirsan ciidamada Dowladda Soomaaliya uu toogasho ku dilay Darawal Mooto Bajaajle ahaa.
Dilka ayaa ka dhacay Isgoyska Ex Koontorool Afgooye ee magaalada Muqdisho, waxaana la sheegay in askariga ka danbeeyay dilka darawalka Mooto Bajaajta ay xireen ciidamadii Booliska ee ku sugan Barta koontorool ee Ex Koontorool Afgooye, kuwaasoo uu ka tirsanaa.
Goobjoogeyaal ayaa sheegay in askariga dilka geystay uu Darawalka Mootada ku amray inuu istaago, balse uu amarkaasi fulin waayey, kadibna uu askarigu rasaas ku furay darwalka oo isla goobta ku geeriyooday, waxaana halkaasi meydka ka qaaday ciidamada.
