Afhayeenkii Aqalka Cad ee Mareykanka Sean Spicer ayaa iska casilay xilka iyadoo goor dhoweyd lagu dhawaaqay arrintan.
Sean Spicer ayaa la sheegay inuu ku adkeystay inuu xilka ka tago inkastoo madaxweyne Trump uu doonayay inuu sii hayo, waxayna arrintan ka danbeysay markii madaxa warfaafinta ee Aqala Cad loo magacaabay nin lagu magacaabo Anthony Scaramucci oo ka mida dadkii dhaqaalaha ururiyay ololihii doorashada Trump, taasoo uu ka horjeeday afhayeenka is casilay.
Afhayeenka xilka ka tegay ayaa muddo 6 bilood ku shaqeynayay xaalad adag iyo cadaadis weyn isagoo shaqadiisa ay sii adkeeyeen qoraalka uu barta twitter-ka ku gudbiyo Madaxweyne Trump.
“Waxay ii ahayud sharaf inaan u adeego qaranka, lana shaqeeyo Madxweyne Trump, waanan sii wadi doonaa inaan usii shaqeeyo..” ayuu ku yiri Sean Spicer qoraal uu soo dhigay bartiisa twitter-ka.
