Wararka laga helayo magaalada Muqdisho ayaa sheegaya in dil toogasho ah uu caawa ka dhacay xaafadda Dabakaayo madow ee degmada Dharkeynley, magaalada Muqdisho.
Dilkan ayay fuliyeen kooxo bistoolado ku hubeysnaa oo khaarijiyay askari ka tirsan Ciidanka Nabadsugidda iyo sirdoonka Qaranka ee (NISA), kaasoo halkaasi marayay xilli aanu hubeysneyn.
Kooxda ayaa la sheegay inay baxsadeen isla markii ay falka toogashada ah geysteen, waxaana askariga uu ka mid ahaa ciidamo ka tirsan NISA oo halkaasi ka howlgala. Askariga la dilay ayaa ahaa nin laga yaqaan xaafadaasi.
Ciidamo ka tirsan kuwa ammaanka iyo NISA ayaa gaaray goobta dilka ka dhacay, wuxuuna falkan ku soo beegmayaa xilli maanta suuq ku yaala degmada Wadajir qarax gaari loo adeegsaday lagu laayay dad ka badan 30 ruux.
Goobjooge.com
