Guddiga Maaliyada Baarlamaanka Soomaaliya ee dib u habeynta lagu sameeyay, isla markaana laga saaray saddexdii mas’uul ee ugu sareeyay Guddigaasi aya kulankoodii ugu horeeyay isla maanta yeeshay, waxaana lagu magacaabay Guddoomiye, ku-xigeen iyo Xoghaye.
Kulanka Guddiga Maaliyadda Baarlamaanka waxay goor dhoweyd Guddoomiye u doorteen Xildhibaan Maxamuud C/llaahi Siraaji, iyadoo guddoomiye ku xigeen loo doortay Xildhibaan Aamino Sheekh Cusmaan, waxaana xoghaye Xoghaye laga dhigay Xildhibaan Aadan Cali Xasan.
Guddigan oo ay hadda u badan yihiin xildhibaannada taageerayaasha xukuumadda ayaa laga rabaa inay 30-ka bishan Baarlamaanka hor keenaan Miisaaniyadda 2019, si degdeg loogu ansixiyo.
