Wararka laga helayo magaalada Muqdisho ayaa sheegaya in koox hubeysan ay dil toogasho ka fulisay degmada Hodon.

Laba nin oo Bistoolado ku hubeysan ayaa toogtay haweeney Shaah ku iibisa agagaarka Trebuunka, degmada Hodon ee magaalada Muqdisho.

Dableyda ayaa goobta ka baxsatay markii ay falka geystay, iyadoo aan la ogeyn ujeedka loo dilay haweeneyda oo ka mid ahay ganacsatada yaryar ee danyarta ah.

Dilalka iyo qaraxyada ayaa halkoodii ka sii socda magaalada Muqdisho iyadoo aanu jirin wax isbedel ah oo ku yimid tan iyo intii dowladda cusub xilka qabtay ku dhowaad saddex bilood.

Goobjooge.com