Dowladda Eritrea ayaa war kasoo saartay socdaalka aan hore loo sii shaacin ee ay maanta magaalada Hargeysa ku tageen wasiirka arrimaha dibadda iyo la-taliyaha Madaxweynaha dalkaasi.
Qoraal ka soo baxay wasiirka warfaafinta Eritrea Yemani G. Meskel ayaa lagu sheegay in wasiirka arrimaha dibadda Eritrea Osman Saleh iyo la-taliyaha madaxweynaha dalkaasi Yemane ay tageen magaalada Hargeysa, socdaalkooduna la xiriiro booqasho shaqo oo laba maalmood qaadan doonta, taasoo qeyb ka ah dadaalka loogu jiro xoojinta nabadda Gobolka.
Ma jirto faahfaahin kale oo laga bixiyey socdaalkan, wuxuuna yimid maalmo kadib markii madaxweynaha Somaliland Muuse Biixi uu booqday Imaaraadka Carabta, waxaana la ogyahay in Imaaraadka uu xiriir xoog leh la leeyahay dalka Eritrea.