Dowladda Ingiriiska ayaa ku dhawaaqay inay lacag dhan 10 Milyan oo Giniga Istarliinka ah (12 Milyan oo Doolar) ay ugu deeqday gargaarka loo fidinayo dadka Soomaaliyeed ee abaaruhu ku dhufteen.
Gargaarkan ayaa maanta loogu dhawaaqay magaalada Muqdisho, waxaana safaaradda UK ee Muqdisho ka shaacisay Priti Patel oo ah xoghaya horumatinta dibadda ee UK oo Muqdisho soo gaartay.
Safiirka cusub ee UK u fadhiya Soomaaliya David Concar ayaa sheegay in lacagtaasi loo adeegsan doono gargaarka degdegga ah ee cuntada iyo biyaha ay baahida weyn u qabaan dad ku dhow Hal Milyan oo qof.
Dowladda Ingiriiska ayaa noqoneysa dowladii ugu horeysay gargaar intaas la eg ugu deeqda Soomaaliya oo xilligan abaar aad u ba’an ay ku dhufatay.
UK's £10m of additional drought funding, announced by @patel4witham today, will provide emergency food & water to 950,000 Somali people https://t.co/E6DE26FlUW
— David Concar (@DConcar) January 28, 2017
Goobjooge.com
