Dowladda Soomaaliya ayaa bilowday in Baasabooradda Diblomaasiga ay ka reebto madaxda Jubbaland ee maamulka Axmed Madoobe, kadib dagaal dhinacyo badan ka socda oo xukuumadda Soomaaliya kala dhaxeeya maamulka Jubbaland.

Mas’uuliyiinta Jubbaland ee lagala wareegayo baasaboorada Diblomaasiga waxaa ka mida wasiirada, xildhibaannada iyo madaxda kale ee maamulkaasi oo kuwii isku daya inay maraan ama ka dega garoonka diyaaradaha Muqdisho laga qaadayo Baasabooradda Diblomaasiga ee ay wataan, laguna wargelinayo in amar kasoo baxay dowladda Federaalka looga qaaday Baasabooradaasi.

Xildhibaan Axmed Ismaciil oo ka mida xildhibaanda Jubbaland ayaa warbaahinta u sheegay in Garoonka Diyaaadaha Muqdisho ee Aadan Cadde looga reebtay Baasaboorkii Diblomaasiga, sidaasoo kale xildhibaano iyo wasiiro ka tirsan Jubbaland laga qaatay Baasaboorka iyadoo Laanta Socdaalka u sheegtay in dowlada federaalka amarkaasi soo saartay.