Waxaa magaalada Baydhaba saaka toogasho lagu fuliyey eedeysane ka tirsanaa Alshabaab oo lagu helay inuu toogasho ku dilay sheekh caan ka aha magaaladasi sandkii 2017.
Maxkamadda Ciidamada Qalabka sida ayaa fulisay xukunkii dilka ahaa ee lagu riday eedeysane Maxamed Aadan Cali oo ku eedeysnaa inuu Masjid Baydhabo ku dilay Sheekh Madeer Madgaab Caliyow 15-6-2017-kii, waxaana lagu toogtay Fagaaraha Maanyo fuulka ee magaalada Baydhabo.
DI-sugaha la toogtay ee Maxamed Aadan Cali Barrow ayaa bartamihii bishii June ee sanadkii hore wuxuu Masaajid ku yaala xaafadda Towfiiq ku dhex dilay Sheekh Maxamed Deyr, waxaana ilaa markaasi lagu hayey maxkamadda iyadoo dowladda madaxweyne Farmaajo aysan wax dil ah fulin ilaa mudaddaasi.
Waxaa goobta dilka toogashada ka dhacay ku sugnaay Gudoomiyaha Maxkamadda Sare ee Ciidamada Qalabka Sida & Gudoomiyaha Maxkamadda Darajada Koowaad ee Ciidamada Qalabka sida.
