Faahfaahin dheeraad ah ayaa laga helay qarax maanta ka dhacay degmada Hodon ee magaalada Muqdisho, agagaarka Madaxtooyadii C/qaasim iyo isbitaalkii hore ee Deva.

Qaraxa ayaa lala beegsaday Gaari NISSAN SURF ah oo ay wateen ciidamo ilaalo u ah haweeney lagu magacaabo Fowsiyo Xaaji Cabdi oo mar noqotay la-taliye Ra’iisal wasaare, waxayna sheegtay in saddex ka mida ilaaladeeda ay ku dhaawaceen Qaraxaasi.

“Qarax ayay la eegteen argixisada wiilashan yar oo ka tirsana ilaladeyda private-ka ii ah allah ayaa mahad leh wax dhimasho ma jiraan wa dhaawac fudud waaxan u rajeynyaa ineey si dhaqsi ah ku bogsadaan..” ayay tiri haweenydan oo muuqaalada ilaaladeeda soo dhigtya baraha bulshada.