Faafhaahin dheeraad ah ayaa kasoo baxeysa qarax Gaari oo ka dhacay magaalada Muqdisho, kaasoo la sheega inuu ahaa Miino lagu xiray Gaari.
Gaariga ayaa qarxay xilli uu mareyay agagaarka warshadii hore ee caanaha, waxayna goobjoogeyaal sheegeen in Qaraxa lala beegsaday Gaari nooca raaxadda ee NISSAN SURF, iyadoo warar kala duwan kasoo baxayaan qasaaraha qaraxu geystay.
Laba qof oo gaariga saarnaa ayaa la sheegay inay dhinteen, waxaana wararku sheegayaan in dadka la beegsaday ay ka tirsanaayeen ciidamada dowladda, hay’adaha amniga ayaan weli faahfaahin ka bixin qaraxa.
Ciidamada dowladda Soomaaliya ayaa xiray goobta qaraxu ka dhacy, waxaana goobtaasi ka dhowaa ciidamada milateriga ee 14-ka Oktoobar oo xeradooda Gen. Gordan ay halkaasi ka dhowdahay.
