Iska hor imaad ka dhacay Saldhigga Booliska magaalada Beledweyne ee Gobolka Hiiraan ayaa goor dhoweyd lagu dilay taliyihii saldhigaasi.

Taliyihii Saldhiga Booliska Degmada Baladweyne Laba Xidigle Maxamed Xuseen Maxamuud (Duur-jooge) ayaa ku dhintay iska hor imaadka oo dhex maray Ciidamada Booliska magaalada Beledweyne iyo ciidamada Harmacad ee madaxda dowladda Federaalka ay halkaasi geeyeen.

Taliyaha ayaa lagu dilay israsaaseyn gudaha saldhiga ka dhacday xilli ay saldhiga ka buuxeen boqolaal dad oo lagu soo qabqabtay howlgal saaka ay ciidamadu ka sameeyayeen xaafadaha magaalada.

Ciidamada Haramcad aya lagu eedeeyay inay gudaha Saldhiga Booliska Baledweyne ku dhex dileen taliyaha, kadib iska hor imaad dhex maray labada ciidan.

Xaaladda ayaa kacsan, waxaana hadda ku dhex jira saraakiisha ciiiamada dowladda iyo kuwa Hirshabeelle si arrinta loo qaboojiyo.