Maamulka Galmudug ee uu hoggaamiyo Axmed Ducaale Geelle Xaaf ee fadhigiisu yahay magaalada Dhuusamareeb ayaa soo saaray ku amray shirkadaha diyaaradaha inaysan degaanadeeda keeni karin mas’uuliyiin ka socda dowladda Federaalka Soomaaliya.

Qoraal kasoo baxay Madaxtooyada Dowlad Goboleedka Galmudug ayaa lagu amray shirkadaha diyaaradaha inaysan keeni karin cid ka socota dowlada federalka deegaanada maamulka Galmudug, iyadoo tallaabadan loo qaaday si loo fuliyo go’aan hore uu Maamulka Galmudug ugu hakiyey wadashaqeynta dowlada federaalka.