Golaha Aqalka Sare ee Baarlamaanka Federaalka Soomaaliya oo maanta yeeshay kulankoodii 5-aad ee Kalfadhiga 1-aad ayaa meel mariyay magacaabista hab-dhowraha Golaha Aqalka Sare iyo ku xigeenkiisa.
Fadhigii Aqalka Sare oo ay maanta soo xaadireen 39 Senator ayay xubnaha Goluhu ku ansixiyeen laba haween inay noqdaan Hab-dhowraha Aqalka Sare iyo ku-xigeenka hab-dhowraha, taasoo xilalkani haween loo magacaabay:
Xubnaha hab-dhowrka Aqalka sare ee la ansixiyey ayaa kala ah:
1- Senator Samsam Ibraahim Cali Hab-dhowraha Aqalka Sare.
2- Senator Fartuun Cabdulqaadir Faarax (Karaama) Hab-dhowre ku xigeen.
Senatoorada Aqalka Sare ayaa cod gacantaag ah ku ansixiyey magacaabidda labadan xubnood. waxaana Aqalka Sare u akhriyey wareegtada Xoghayaha guud ee Aqalka Sare.
