Lix ka mida guddoomiyeyaasha Gobolka Banaadir oo dhowaan si aan la shaacin xilka looga qaaday ayaa bilaabay inay xilalka wareejiyaan, kadib markii ay saameyn ku yeelatay isbedelladii ug danbeeyay ee maamulka G/Banaadir.
Guddoomiyeyaasha xilalka wareejiyay waxaa ka mida Guddomiyihii Degmada Shibis Safiyo Xasan Shiikh Cali oo xilkii laga qaaday, waxaana xilka kala wareegay C/raxmaan Sayid Cali Xuseen oo hore u ahaa guddoomiyaha degmada Dharkeynley.
Waxaa kaloo xilka la wareegay Guddoomiyaha Cusub ee degmada Howlwadaag Mustaf Cali Kheyre oo xilkii kala wareegay guddoomiyhii hore, iyadoo ay harsan yihiin 4 guddoomiye degmo oo ay ka mid yihiin degmooyinka Kaaraan iyo C/casiis.
Magacaabidda iyo kala bedelka guddoomiyeyaasha maamulka Gobolka Banaadir ayaa noqtay mid joogto ah, iyadoo muddooyinkii danbe laga dhigay qarsoodi aan la shaacin.
