Hay’adda Socdaalka iyo Jinsiyadaha dowladda Soomaaliya ayaa ku dhawaaqay xilliga dib loo bilaabayo bixinta baasaboorka, kadib muddo toddobad ah oo uu hakad ku yimid.
Wargelin kasoo baxday Hay’adda Socdaalka iyo Jinsiyaddu ayaa lagu sheegay in muddo todobaad ah oo dib habeyn iyo hormarin lagu sameynayey habka bixinta baasaboorka dib loo bilaabi doono bixintiisa, iyadoo maalinta Talaadadda ah ee 04-ta Disembar 2018 ay bilaaban doonto shaqadii bixinta Baasaboorka.
Hay’adda Socdaalka iyo Jinsiyaddu ayaa sheegtay inay ka raali-gelineyso bulshada Soomaaliyeed culeyskii ay dareemeen mudada todobaadka ah ee uu maqnaa adeegga bixinta Baasaboorka.
