Wararka laga helayo magaalada Nairobi ayaa sheegay in howshii dib u eegista dastuurka KMG ah ee Soomaaliya loo wareejiyay magaalada Nariobi, iyadoo uu maanta shirka halkaasi uga furmay Guddiyada Dastuurka iyo Wasaaradda Dastuurka Soomaaliya.
Shir lagu sheegay inuu yahay kulan hawleed looga hadlayo dib u eegista Dastuurka oo ay ka qeyb galayaan Guddiyada Dastuurka iyo Wasaaradda Dastuurka Soomaaliya oo ay wehliyeen khubaro ajnabi ah ayaa looga hadlyaa shirka Nairobi, iyadoo lagu eegayo cutubyada 6-9aad Dastuurka.
Dib u eegista Dastuurka ayaa waxaa kharashka bixiya Hay’adda NDP ee Q/Midoobay, iyadoo howsha ugu badan ee laga qabtay ay noqootay seminaro dalalka dibadda loo aado, waxaana la sheegay in shirka Nairobi uu socon doonaa muddo 5 maalmood ah.
