Friday, December 3, 2021

Joe Biden: Afghanistan uma tegin inaan Dowlad u dhisno, ama difaacno Dowlad aysan ciidankeedu dagaal rabin”

Madaxweynaha Mareykanka Joe Biden ayaa difaacay go’aankiisii ahaa in ciidamada Mareykanka laga saaro Afghanistan, xilli ay si degdeg ah ay u soo ifbaxday qabsashada Taalibaan, isagoo ballan qaaday inuu soo afjari doono arrinta Afghanistan, isla markaana aysan u gudbi doonin madaxweyne shanaad oo isaga ka dambeeya.


“Ciidamada Maraykanku ma aha inay ku dagaallamaan, kuna dhintaan dagaal aysan ciidamada Afghanistan doonayn inay ka qeybqaadaan. Waxaan u tagnay Afgaanistaan ​​ku dhawaad ​​20 sano ka hor hadafyo cad, in al -Qaacida aysan u adeegsan karin Afgaanistaan ​​saldhig ay mar kale nagu soo weeraraan. Waxaan samaynay taas – toban sano ka hor. Hadafkayagu marnaba ma ahayn inuu noqdo dhisme Dowlad ” ayuu madaxweyne Biden ku yiri khudbad 20 daqiiqo ah oo uu kula hadlay shacabka Mareykanka.

Ad

Biden, wuxuu burburka dowladii Mareykanku taageerayay ku eedeeyay madaxdii dowladaasi, siiba Madaxweynaha ka cararray dalkaasi Ashraf Ghani oo uu sheegay inuu diiday heshiis uu la galo Daalibaan, isagoo doortay Dagaal, kadibna dalka isaga tegay.

“Suuragal maaha inay ciidamada ka dagaalamaan dal ay ciidamadiisu hal xabbad ridin oo dagaalkii diideen, halkaas uma tegin inaan dowlad dhisno..” ayuu yiri Madaxweynaha Mareykanka Joe Biden.

Wuxuu uga digay hoggaamiyeyaasha Taalibaan inay la kulmi doonaan “awood bur-burisa” haddii ay farageliyaan ama isku dayaan inay carqaladeeyaan ka bixitaanka Mareykanka ee Afghanistan.

- Advertisement -

Isagoo iska fogeeyay eedeeynta adag ee la xiriirta siyaasaddiisa Afghanistan ee uga imaaneysa xubnaha labada xisbiga ee Jamhuuriga iyo Dimuqraadiga, qaar ka mid ah jeneraaladii hore iyo kooxaha xuquuqda aadanaha, wuxuu madaxweyne Biden go’aansaday inuu difaaco ka bixitaanka ciidamada Mareykanka ee dagaalka 20 sano socday oo ay iska dhaxleen afar madaxweyne.

NAGULA SAAXIIB BARAHA BULSHADA: Like Saar

0FansLike
0FollowersFollow
5,906FollowersFollow
0FansLike
0FollowersFollow
5,906FollowersFollow

TOP NEWS

XOGAHA QARSOON

error: Content is protected !!