Wararka laga helayo magaalada Muqdisho ayaa sheegaya in Koox hubeysan ay toogasho ku dishay nin Nabadoon ah xaafad ka tirsan degmada Wadajir.
Dilka ayaa ka dhacay Xaafadda Siliga Ameerikaanka, waxaana dabley laba ah la sheegay inay toogteen Sheekh Cali Maxamed Cismaan, kadibna ay goobta ka baxsadeen.
Dadka degaanka ayaa in falka dilka ah kadib ay goobtaasi gaareen ciidamada amniga, waxaana ha qaaday Marxuumka oo dhaawac halis ah xilligaasi uu soo gaaray, kadibna u geeriyooday dhaawacii soo gaaray.
Nabadoon Sheekh Cali Maxamed ayaa ka mid ahaa odayaashsa caanka ka ah ee Xaafadda Siliga Degmada Wadajir ee Gobolka Banaadir, wuxuuna ahaa ahaa nin Sheekh ah iyo Nabadoonka guud ee Beesha Yabar Madaxweyne ee Beesha Xawaadle. Waxaa xaafadda isugu soo baxay dadka degaankaasi oo aad uga xumaaday dilkaasi.