Kooxda Alshabaab ayaa bilowday inay xukuuno toogasho ah ku fuliyaan xubnaha ka tirsan Daacish ee gacanta ay ku dhigaan.
Sida ay baahisay warbaahinta Alshabaab waxaa Magaalada Bu’aalle ee gobolka Jubbadda dhexe ka dhacay lagu toogtay Sarkaal ka tirsanaa Ururka Daacish, kaasoo lagu magacaabi jiray Yaxye Xaaji Fiile [Abu Zakariye].
Falkan ayaa yimid markii ay Sirdoonka Al-Shabaab soo qabteen ninkan, kuna tuhmeen inuu xiriir la lahaa ururuka Daacish, qeybtiisa Somalia, Abu Zakariye ayaa hore khilaafeen u dhex maray Al-Shabaab markii uu dilay hogaamiye ka tirsanaa Daacish oo lagu magacaabi jiray Bashiir Abu Nucmaan sanadkii 2016-kii.
Wadahadal dheer kadib ayaa la sheegay inuu dib ugu laabtey Al-Shabaab, oo markii hore ka cararay, balse waxaa looga shakiyey inuu la shaqeeyo Daacish, una basaaso.
