Madaxweynaha Maamulka Hirshabeelle Maxamed Cabdi Waare ayaa ka hor yimid dagaalka ka socda degaano hoos yimaada degmada Balcad ee Gobolka Hoose, isagoo ku eedeeyay dowladda Federaalka inaysan kala tashan dagaalkaasi.
Madaxweyne Waare ayaa welwel ka muujiyay qaabka dagaalka looga wado degmada Balcad iyo cawaaqib xumo uu sheegay inay ka imaan karto, isagoo aan faahfaahin ka bixin arrintaasi.
Wuxuu intaas ku darya in welwelkiisu salka ku hayo ciidamada ku sugnaa Gobolka Shabeellaha dhexe ee dagaalka la geliyay, isagoo sheegay inuu ka cabsi qabo inay dagaalka ku dhabar jabaan Ciidamada dowladda.
Lama oga sababta keentay in madaxweynaha Hirshabeelle niyad jebiyo ciidamada dagaalka ku jira oo ah kuwa dowladda Federaalka iyadoo aysan jirin ciidamo hoos taga maamulkiisa oo dagaalka ku jira.
DHAGEYSO