Madaxweynaha Maamulka Hirshabeelle Cali C/laahi Cosoble ayaa maanta gaaray Magaalada Beledweyne ee xarunta Gobolka Hiiraan.
Cali C/laahi Cosoble iyo wafdigiisa waxaa Garoonka Magaalada Beledweyne kusoo dhoweeyay Maamulka Gobolka Hiiraan, Odayaasha Dhaqanka iyo qeybaha bulshada gobolka Hiiraan.
Ujeedad socdaalka wafdiga Madaxweynaha Maamulka Hirshabeelle ayaa lagu sheegay inay ku saabsan tahay kulamo iyo la-tashiyo uu la yeelanayo maamulka iyo waxgaradka Gobolka Hiiraan oo uu kala hadli doono xaaladda Doorashada dalka iyo dhismaha maamulka Hirshabeelle.
Waa markii labaad ee madaxweynaha Hirshabeelle tago magaalad Beledweyne ee xarunta Gobolka Hiiraan, iyadoo socdaalkii hore ku beegnaa markii Jowhar loogu doortay xilka Madaxweynaha.
DAAWO SAWIRRO
