Madaxweynaha Soomaaliya Maxamed Cabdullaahi Farmaajo iyo wafdi uu hoggaaminayo ayaa u dhoofay glabata dalka Jabuuti, halkaas oo uu kaga qeyb geli doono Shir degdeg ah oo Dalalka Urur Goboleedka IGAD ay kaga arrinsanayaan xaaladda Gobolka.

Shirkan ayay Soomaaliya hordhigi doontaa dacwad ka dhan ah dowladda Kenya oo ay ku eedeysay inay faragelin ku heyso Madaxbannaanideeda, isla markaana ay abaabuleyso ciidamo jabhad ah oo soo weerarra Gobolka Gedo..

Waxa Madaxweynaha ku wehliya shirka Wasiirka Arrimaha Dibadda Maxamed Cabdirisaaq Maxamuud iyo Ergayga Gaarka ah ee Geeska Afrika, Badda Cas iyo Gacanka Cadmeed Danjire Yuusuf Garaad Cumar oo shalay gaaray Jabuuti.

Shirka waxaa kaloo hareeyay xaaldda ka aagan xuduudka dalalka Itoobya iyo Suudaan, kadib weerar ay ciidamo iyo maleeshiyo ku qaadeen gudaha Suudaan, taasoo ay dowladda Suudaan si adag uga jawaabtay.