Waxaa maanbta xabsi loo taxaabay mas’uul ka tirsan maxkamadda G/banaadir, kadib markii ay amarkaasi bixisay Maxkamadda uu ka tirsanaa.
Ciidamada Booliska ayaa xabsiga u dhaadhiciyey Kaaliye ka tirsanaa Maxkamadda Gobolka Banaadir, kaasoo lagu eedeeyey qaadasho laaluush. Amar ka soo baxay xafiiska guddoomiyaha Maxkamadda Gobolka Banaadir ayaana lagu xiray Cabdulqaadir C/llaahi Xasan Shaango, iyadoo la sheegay inay ku socoto baarista qodobka 246-ee xeerka ciqaabta Soomaaliyeed ee lagu soo eedeeyay.
Guddoomiyaha Maxkamadda gobolka Banaadir Muuse Macalin Maxamed ayaa sheegay inay wadaan baaritaanka 240-kiis oo ku aadan musuq iyo wax isdabamarin, kuwaasoo marka baaristoodu soo dhammaato dadka ku eedaysan cadaaladda la hor keeni doono.
